《石垣島首位香港地勤：沖繩偏遠小島奮鬥記》第十一章：石垣島的廣東話講座——2018年9月

2018年8月，石垣市政府嘅職員聯絡咗我，邀請我主持一場公開嘅廣東話講座。呢場講座係石垣島歷史上首次針對廣東話嘅公開課，目的是希望本地居民更加了解香港文化，從而促進更多商業合作機會，尤其係針對不斷增加嘅香港遊客。

講座定於9月舉行，未開始之前，市政府職員就話講座已經爆滿，所有座位都被預約一空。我聽到之後當然覺得好開心，但同時都有啲緊張，因為呢係我第一次面對咁大群日本人去教授廣東話。

最終，講座進行得非常順利。本地居民對廣東話嘅課程表現出極大興趣，並且有好多參加者喺講座之後主動要求我幫佢哋進行私人授課。當中有兩個問題特別多人問：

1. 普通話與廣東話有咩分別？

2. 點解咁多香港人鍾意嚟石垣島？

當然，唔係所有問題都係關於學習。當中有一位居民提到一件事，顯然係對香港遊客有啲不滿。佢話，一位香港遊客開車唔小心撞咗佢嘅車，令佢要喺醫院住一個月，但嗰位遊客從來冇嚟探望過佢。我唔清楚佢講嘅係真係假，但確實喺機場見過受傷嘅香港遊客，大部分都係因為喺島上發生交通意外。

喺日本，雖然冇法律規定肇事司機必須親自探望受傷者，但作為一種「社會的マナー」（社會禮儀），探望被認為係表達關心同誠意嘅重要行為，呢種態度對解決爭端或者改善雙方關係都非常有幫助。

總體嚟講，香港遊客喺石垣島留下咗好印象。由於呢種正面形象，石垣島部分大型旅行社甚至開始招聘香港員工，並且為佢哋提供簽證贊助，以更好地服務來自香港嘅遊客。

對我嚟講，能夠喺石垣島推廣廣東話同香港文化，是一段非常難忘嘅經歷。

I gave a public Cantonese lecture at Ishigaki City Hall in 2018.